கற்றுத்தந்த பாடங்கள்...!

Aroosiya Ilyas - Thalavinna

நடைமுறை பதிவுகள்

கற்றுத்தந்து விட்டன - மனிதம் 

கற்று விட முடியாத பல பாடங்களை !!

கற்றுத்தந்து விட்டன - மனிதம் 

கற்று விட முடியாத இறை விதியை ..!!

காலமும் கதை பேசும்- குறுங்கதையல்ல !!

காலமெல்லாம் பேச வைத்திடும் நெடுங்கதை  !!

காலங்காலமாய் மனிதன் மட்டும் - என்றிருக்க

காலமும் இனி - என்றாகி விட்டது..!!

பணம் பகட்டெல்லாம் பஞ்சாகிட 

பிணம் - பேசு பொருளாகி விட்டது !!

பணம் கொண்டோனும் 

பிணம் ஆவான் என்பது - மறந்தோருக்கு

நிரூபணம் ஆனது.. !!

இருபது நாள் மழலையை

இறந்து விட்ட மழலையை 

இறுதிச்சடங்கேதுமின்றி

இரக்கச்சங்கதியேதுமின்றி

இரையாக்கி விட்டது தீ ..!!

தவறுகள் மட்டுமே - தினந்தோறும் 

தவறாது மேடையேறிட - அவற்றை 

தவறாது மேடையேற்றுகின்றன

தகவலூடங்கள் !!

அனைத்துமே போலி என்றாகிட

அனைத்திற்கும் வேலியே எமன் என்றாகிட

அனைத்து நற்குணங்களும் கேலி என்றாகிட 

அணைத்திட்ட அன்னை அகிலம் - கோபமுற்று

அணைத்து விட்டாள் - பாதுகாப்பினை

அணைத்து விட்டாள் ..!!

அகிலம் அமைதியாய் இருக்குமா ?

அவலம் .. அவலம் .. அவலம்..

அந்தோ பேரழிவுகள் ஆரம்பித்து விட்டன !!

அற்ப மானிடனாகி விட்ட - நம்

அநியாயங்களிற்கெல்லாம் - முடிவுகள்

அண்மித்து விட்டன ...!!

அனுபவித்தாலும் தவறுகளை 

அறிந்து உணர்ந்திடுவானா - என்பது

அற்பமான சந்தேகமே..!!

         நன்றி..

Aroosiya ilyas

Thalavinna

Rejister no - 033